სამუშაო შეხვედრა ჩეხეთის რესპუბლიკის წარმომადგენლებთან 14.07.2014
გარემოს ეროვნულ სააგენტოში შედგა შეხვედრა ჩეხეთის რესპუბლიკის საელჩოს, ჩეხეთის რესპუბლიკის განვითარების სააგენტოსა და გარემოს ეროვნული სააგენტოს წარმომადგენლებს შორის. მხარეებმა განიხილეს საპილოტე პროექტი რომლის მიზანია საქართველოს მზადყოფნის გაძლიერება ექსტრემალური ამინდის მოვლენების მიმართ, საინფორმაციო სისტემის შექმნა მონაცემთა გადაცემა და მიწისქვეშა წყლების მონიტორინგის ქსელის გაუმჯობესება, (გურჯაანის, თელავის, ყვარელის და ლაგოდეხის მუნიციპალიტეტებში,) შეხვედრის მეორე საკითხად განხილული იქნა გეოლოგიური პროცესების საშიშროების რისკი მცხეთა-მთიანეთის რეგიონში (საქართველო) და მისი მართვის ღონისძიებები. მხარეებმა გამოთქვეს მზადყოფნა ურთიერთთანამშრომლობის გასაგრძელებლდა, გარემოს ეროვნული სააგენტოს შესაძლებლობების გასაძლიერებლად და საქართველოს ნაკისრი ვალდებულების შესასრულებლად ევროგაერთიანებასთან ასოცირებული წევრობის ხელმოწერის ფონზე.
22 მარტს მსოფლიო წყლის რესურსების დაცვის საერთაშორისო დღეს აღნიშნავს. 2014 წლის თემაა „წყალი და ენერგია"". საქართველოს გარემოსა და ბუნებრივი რესურსების დაცვის სამინისტროს გარემოს ეროვნული სააგენტო ახორციელებს საქართველოს ზედაპირული წყლების დაბინძურების მონიტორინგს. წყალზე მონიტორინგის მიზანია შეიქმნას ინფორმაცია გარემოს დაბინძურების შესახებ.
ქუთაისში მეტეოროლოგიის მსოფლიო დღესთან დაკავშირებით ახალი ავტომატურ რეჟიმში მომუშავე მეტეოროლოგიური სადგური გაიხსნა, რომელიც ადაპტაციის ფონდის დაფინანსებით და INDP (გაეროს განვითარების პროგრამა) მხარდაჭერით განხორციელდა. სადგურის გახსნას საქართველოს გარემოსა და ბუნებრივი რესურსების დაცვის მინისტრის მოადგილე ირაკლი ნოზაძე, გარემოს ეროვნული სააგენტოს უფროსის მოადგილე ნიკოლოზ ალხაზაშვილი და ქუთაისის სადგურის უფროსი ავთანდილ ქვაჩაკიძე დაესწრნენ
გარემოსდაცვითი საქმიანობის ეფექტურობის გასაუმჯობესებლად საქართველოს გაეროს ევროპის ეკონომიკური კომისიის ექსპერტებმა საქართველოს გარემოსა და ბუნებრივი რესურსების დაცვის მინისტრ ხათუნა გოგალაძესთან სამუშაო შეხვედრა გამართეს.