მსხვილ მეწყრულ უბნებზე სადამკვირვებლო ქსელი მოეწყო 05.09.2014
გარემოსა და ბუნებრივი რესურსების დაცვის მინისტრის მოადგილემ ზურაბ კოპაძემ, გარემოს ეროვნული სააგენტოს უფროსმა ვლადიმერ ლაზარიშვილმა და „ადაპტაციის ფონდის" წარმომადგენლებმა, გაეროს განვითარების პროექტის ,,წყალდიდობისა და წყალმოვარდნის მართვის კლიმატისადმი მედეგი პრაქტიკის შემუშავება მოწყვლადი მოსახლეობის დასაცავად საქართველოში"" ფარგლებში, წყალტუბოს მუნიციპალიტეტის სოფელ ზარათში დამონტაჟებული ავტომატურ რეჟიმში მომუშავე აღჭურვილობა დაათვალიერეს, რომელიც მეწყრის გადაადგილების არეალს აფიქსირებს. გარემოს ეროვნული სააგენტოს მიერ და ადაპტაციის ფონდის დაფინანსებით, რიონის აუზის 3 მუნიციპალიტეტში(წყალტუბოს მუნიციპალიტეტის სოფელ ზარათში, ამბროლაურის მუნიციპალიტეტის სოფელ ტოლასა და ცაგერის მუნიციპალიტეტის სოფელ ლარჩვალში) მსხვილ მეწყრულ უბნებზე სადამკვირვებლო რეჟიმული ქსელი მოეწყო. აღნიშნულ მეწყრულ სხეულებზე გაიბურღა ჭაბურღილები, რომლებშიც თანამედროვე ავტომატურ რეჟიმში მომუშავე სპეციალური აღჭურვილობა (ინკლინომეტრები) დამონტაჟდა. ინკლინომეტრები იძლევა შესაძლებლობას დადგინდეს მეწყრული სხეულების დინამიკა, პროცესების ბუნება, გადაადგილების სიჩქარე და სხვა პარამეტრები. მიღებული ინფორმაციის დამუშავების საფუძველზე შესაძლებელი გახდება წინასწარი პროგნოზის შემუშავება, რათა დროულად იქნას თავიდან აცილებული სტიქიისგან მიყენებული ზარალი.
22 მარტს მსოფლიო წყლის რესურსების დაცვის საერთაშორისო დღეს აღნიშნავს. 2014 წლის თემაა „წყალი და ენერგია"". საქართველოს გარემოსა და ბუნებრივი რესურსების დაცვის სამინისტროს გარემოს ეროვნული სააგენტო ახორციელებს საქართველოს ზედაპირული წყლების დაბინძურების მონიტორინგს. წყალზე მონიტორინგის მიზანია შეიქმნას ინფორმაცია გარემოს დაბინძურების შესახებ.
ქუთაისში მეტეოროლოგიის მსოფლიო დღესთან დაკავშირებით ახალი ავტომატურ რეჟიმში მომუშავე მეტეოროლოგიური სადგური გაიხსნა, რომელიც ადაპტაციის ფონდის დაფინანსებით და INDP (გაეროს განვითარების პროგრამა) მხარდაჭერით განხორციელდა. სადგურის გახსნას საქართველოს გარემოსა და ბუნებრივი რესურსების დაცვის მინისტრის მოადგილე ირაკლი ნოზაძე, გარემოს ეროვნული სააგენტოს უფროსის მოადგილე ნიკოლოზ ალხაზაშვილი და ქუთაისის სადგურის უფროსი ავთანდილ ქვაჩაკიძე დაესწრნენ
გარემოსდაცვითი საქმიანობის ეფექტურობის გასაუმჯობესებლად საქართველოს გაეროს ევროპის ეკონომიკური კომისიის ექსპერტებმა საქართველოს გარემოსა და ბუნებრივი რესურსების დაცვის მინისტრ ხათუნა გოგალაძესთან სამუშაო შეხვედრა გამართეს.