პოლონეთის რესპუბლიკის ,,კრიზისული ინფრომაციის ცენტრ’’-სა და გარემოს ეროვნულ სააგენტოს შორის სამუშაო შეხვედრა გაიმართა. 10.04.2014
სამუშაო შეხვედრაზე გარემოს ეროვნულმა სააგენტომ წარადგინა პროგნოზირების და ადრეული გაფრთხილების სისტემის ფუნქციონირება, ხოლო პოლონეთის მხარემ სამომავლო გეგმების შესახებ ისაუბრა. პროექტის მიზანია სადამკვირვებლო პუნქტების დამონტაჟების შემდგომ კახეთის რეგიონში მდინარე კაბალასა და დურუჯზე ადრეული გაფრთხილების სისტემის ჩამოყალიბება. პროექტის ფარგლებში დაგეგმილია საველე გასვლები, რის საფუძველზეც უნდა შეირჩეს 12 მდინარე, რომელზეც დისტანციური ზონდირების მეშვეობით ჩატარდება მოდელირება და დატბორვის ზონები გამოვლინდება.
დღეს გარემოსა და ბუნებრივი რესურსების დაცვის სამინისტროში, გეოლოგიის საერთაშორისო დღესთან დაკავშირებით გეოლოგიური საინფორმაციო ანგარიშის და გარემოს ეროვნული სააგენტოს ვებგვერდის resource.meteo.gov.ge პრეზენტაცია გაიმართა. პრეზენტაციას გარემოსა და ბუნებრივი რესურსების დაცვის მინისტრი ხათუნა გოგალაძე, გარემოს ეროვნული სააგენტოს გეოლოგიის დეპარტამენტის უფროსი ემილ წერეთელი, რეგიონული განვითარებისა და ინფრასტრუქტურის სამინისტროს, არასამთავრობო ორგანიზაციების წარმომადგენლები და თბილისის ივანე ჯავახიშვილის სახელობის უნივერსიტეტის ზუსტ და საბუნებისმეტყველო ფაკულტეტის სტუდენტები დაესწრნენ.
მიმდინარე წლის 1 აპრილს გარემოს ეროვნული სააგენტოს გარემოს დაბინძურების მონიტორინგის დეპარტამენტში სტუმრად იმყოფებოდნენ ქალაქ თბილისის 126-ე საჯარო სკოლის მე-8 კლასის მოსწავლეები გეოგრაფიის პედაგოგ ეკატერინე გოგოლაძესთან ერთად.