|
|
|
|
 |
 |
|
 |
|
საქართველოს გარემოსდაცვითი ღონისძიებების მხარდასაჭერად ,,არასაპროექტო გრანტი"-ის პროექტის ფარგლებში იაპონიის მთავრობამ 2 მლნ აშშ დოლარი გამოყო
20.01.2014
საქართველოს გარემოსდაცვითი ღონისძიებების მხარდასაჭერად ,,არასაპროექტო გრანტი"-ის პროექტის ფარგლებში იაპონიის მთავრობამ 2 მლნ აშშ დოლარი გამოყო. აღნიშნული თანხა გარემოსა და ბუნებრივი რესურსების დაცვის სამინისტროს მიერ გამოყენებული იქნება სხვადასხვა მიმართულებების გასაუმჯობესებლად:
• ქვეყანაში ატმოსფერული ჰაერის ხარისხის შეფასების გასაუმჯობესებლად და დაკვირვების სადგურების ავტომატური აღჭურვილობის განახლებისთვის;
• ჰიდრომეტეოროლოგიური და გეოლოგიური მოვლენების პარამეტრებზე დაკვირვების აპარატურის შესაძენად;
• ბუნებრივი და ანთროპოგენული კატასტროფების რისკის განსაზღვრისთვის საჭირო აღჭურვილობისა და წყლის ხარისხისა და ნიადაგის გამოსაკვლევი აპარატურის გასაუმჯობესებლად.
არასაპროექტო გრანტის გამოყოფის შეთანხმებას გარემოსა და ბუნებრივი რესურსების დაცვის მინისტრი ხათუნა გოგალაძე და ფინანსთა მინისტრი - ნოდარ ხადური დაესწრნენ. კერძოდ, შეთანხმებას და თანდართულ დოკუმენტაციას საქართველოს მთავრობის სახელით ხელი მოაწერა ფინანსთა მინისტრმა ნოდარ ხადურმა, ხოლო იაპონიის მხრიდან - საქართველოში იაპონიის საგანგებო და სრულუფლებიანმა ელჩმა ტოშიო კაიტანიმ.
აღნიშნული საგრანტო დახმარება იაპონიის არასაპროექტო საგრანტო პროგრამის ფარგლებში რიგით მეშვიდეა. 1997-2010 წლებში ამ საგრანტო პროექტიდან საქართველოსთვის გამოიყო 3,58 მილიარდი იაპონური იენი, მათ შორის, სოფლის მეურნეობის სექტორისა და სხვადასხვა მუნიციპალიტეტის მხარდაჭერის მიზნით.
|
იხილეთ დამატებითი ფტოები |
|
|
|
|
|
 |
|
 |
|
|
|
|
 |
კლიმატის ცვლილების სამთავრობათაშორისო ექსპერტთა საბჭოს (IPCC) 37-ე პლენარული სესია ბათუმში
28.10.2013
14-18 ოქტომბერს ბათუმში კლიმატის ცვლილების სამთავრობათაშორისო ექსპერტთა საბჭოს (IPCC) 37-ე პლენარული სესია ჩატარდა
პლენარული სესიის გახსნის ცერემონიალში მონაწილეობდნენ IPCC-ს ხელმძღვანელი დოქტორი რაჯენდრა ქუმარ ფაჩაური, საქართველოს პარლამენტის თავმჯდომარე დავით უსუფაშვილი, გარემოსა და ბუნებრივი რესურსების დაცვის მინისტრი ხათუნა გოგალაძე, აჭარის მთავრობის თავმჯდომარე არჩილ ხაბაძე და IPCC-ს სხვა მაღალი რანგის წარმომადგენლები.
 ვრცლად |
|
|
|
|
|
|
|
|
|
 |
ყურადღება!!!
15.03.2013
17-18 მარტს საქართველოში მოსალოდნელია ამინდის პირობების მკვეთრი
გაუარესება
ვრცლად |
|
|
|
|
|
|
 |
|
|
|
|
