 |
|
 |
24 აპრილი 2024 |
 |
|
|
|
|
|
დღის
ხანგრძლივობა: |
13სთ 44წთ |
|
|
|
|
|
|
 |
|
 |
|
შავი ზღვის გარემოს მონიტორინგის გაუმჯობესება (EMBLAS)
05.02.2014
გარემოს ეროვნული სააგენტო მონაწილეობს პროექტში „შავ ზღვაში გარემოს მონიტორინგის გაუმჯობესება“ (EMBLAS). აღნიშნულ პროექტს ახორციელებენ გაეროს განვითარების პროგრამა და ევროკავშირი. პროექტი მიმდინარეობს შემდეგ ქვეყნებში: საქართველო, რუსეთი და უკრაინა.
პროექტის ძირითადი მიზანია შეიქმნას ინიციატივები, რომლებიც ხელს შეუწყობენ შავი ზღვის გარემოს დაცვის გაუმჯობესებას. დაგეგმილია ეროვნული მონიტორინგის არსებული სისტემების და ინსტრუმენტების შეფასება; ბუქარესტის და მასთან დაკავშირებული სხვა კონვენციებითა და ხელშეკრულებებით ქვეყნის მიერ ნაკისრი ვალდებულებების შესრულების ხელშეწყობა; ლაბორატორიული ინფრასტრუქტურის, აღჭურვილობის და სწავლებების საჭიროებების შეფასება და რეკომენდაციების შემუშავება; აგრეთვე შავი ზღვის ერთობლივი კვლევების მეთოდოლოგიის მომზადება და რიგი სხვა მნიშვნელოვანი ღონისძიებები.
პროექტის მიზნებია: ა) შავი ზღვის ქიმიური და ბიოლოგიური მდგომარეობის შესახებ მონაცემთა ხელმისაწვდომობის და ხარისხის გაუმჯობესება ზღვის სტრატეგიის ჩარჩო დირექტივის (MSFD) და შავი ზღვის სტრატეგიული სამოქმედო გეგმის საჭიროებებთან შესაბამისობაში; ბ) პარტნიორი ქვეყნების ქმედუნარიანობის გაუმჯობესება ზღვის მონიტორინგის წარმოებაში MSFD პრინციპებით.
განხორციელდება შემდეგი კონკრეტული ქმედებები: ა) ეროვნული მონიტორინგის სისტემების და ინსტრუმენტების მიმოხილვა მონიტორინგით მიღებული მონაცემების შეფასების მიზნით; ბ) ბუქარესტისა და სხვა შესაბამისი კონვენციებითა და ხელშეკრულებებით ქვეყნების მიერ ნაკისრი ვალდებულებების შესრულების მხარდაჭერა; გ) ეკონომიკურად ეფექტური და ჰარმონიზებული ბიოლოგიური და ქიმიური მონიტორინგის პროგრამების შემუშავება ევროკავშირის წყლის ჩარჩო დირექტივის და MSFD-ს შესაბამისად; დ) ლაბორატორიული ინფრასტრუქტურის, აღჭურვილობის და ტრენინგების საჭიროებების შეფასება, შესაბამისი რეკომენდაციების შემუშავება; ე) მონიტორინგის მეთოდებისა და ISO 17025 სტანდარტის შესაბამისი ხარისხის უზრუნველყოფის შესახებ ყოვლისმომცველი სასწავლო პროგრამის შემუშავება და განხორციელება; ვ) შავი ზღვის ერთობლივი კვლევების მეთოდოლოგიის მომზადება; ზ) შავი ზღვის წყლის ხარისხის მონაცემთა ბაზის პროტოტიპის შემუშავება.
|
იხილეთ დამატებითი ფტოები |
|
|
|
|
|
 |
|
 |
|
|
|
|
 |
ვაკანსია
09.07.2012
სსიპ “გარემოს ეროვნული სააგენტო" აცხადებს ვაკანსიას უფროსი სპეციალისტის (მიკრობიოლოგის) თანამდებობაზე.
საკვალიფიკაციო მოთხოვნები:
** უმაღლესი განათლება ბიოლოგიის/მიკრობიოლოგიის სფეროში;
** აუცილებელია წყლისა და ნიადაგის სინჯებში მიკრობიოლოგიური ანალიზების ჩატარების გამოცდილება - მინიმუმ 2 წელი.;
** საოფისე პროგრამების სრულყოფილი ცოდნა;
** აუცილებელია ინგლისური და რუსული ენების ცოდნა.
პიროვნული თვისებები:
** დაძაბულ რეჟიმში მუშაობის უნარი;
** ორგანიზებულობა და პასუხისმგებლობის მაღალი გრძნობა;
** კომუნიკაბელურობა და გუნდური მუშაობის უნარი.
დაინტერესებულ კანდიდატებს გთხოვთ 2012 წლის 13 ივლისამდე გამოაგზავნოთ თქვენი CV მისამართზე: info@meteo.gov.ge და თემის ველში მიუთითოთ ვაკანსიის დასახელება.
 ვრცლად |
|
|
|
|
|
|
 |
|
|
|
|
