 |
|
 |
25 აპრილი 2024 |
 |
|
|
|
|
|
დღის
ხანგრძლივობა: |
13სთ 47წთ |
|
|
|
|
|
|
 |
|
 |
|
მტკნარი სასმელი წყლების რესურსებისა და მონიტორინგული ქსელის აღდგენა
12.08.2014
საქართველოს გარემოსა და ბუნებრივი რესურსების დაცვის მინისტრი ელგუჯა ხოკრიშვილი კახეთში ალაზანი-აგრიჩაის მიწისქვეშა წყლების ტრანსასაზღვრო არტეზიულ აუზში განხორციელებულ საპილოტე პროექტს გაეცნო. მინისტრმა პროექტის ფარგლებში გურჯაანის რაიონის სოფლებში კალაურსა და ზეგაანში არსებულ რამდენიმე ჭაბურღილზე ჩეხეთის რესპუბლიკის საელჩოსა და ჩეხეთის განვითარების სააგენტოს მიერ დამონტაჟებული სარეჟიმო დაკვირვებების თანამედროვე აპარატურა დაათვალიერა. ის საშუალებას იძლევა დისტანციურ პირობებში მიღებული იქნას შესაბამისი კომპლექსური ინფორმაცია მიწისქვეშა წყლის მახასიათებლების შესახებ. ადგილზე გარემოს ეროვნული სააგენტოს სპეციალისტებმა წყლის სინჯებიც აიღეს, რომლის მიზანია მიწისქვეშა წყლის ხარისხის განსაზღვრა და მისი რაოდენობის დადგენა. ჩეხეთის განვითარების სააგენტოს, მიმდინარე წლის სექტემბერ-ოქტომბერში ანალოგიური აღჭურვილობის მოწყობა დაგეგმილი აქვს კიდევ 3 ჭაბურღილზე. პროექტით გათვალისწინებულია მეთოდოლოგიებისა და აღჭურვილობის გადაცემა გარემოს ეროვნული სააგენტოსათვის მონიტორინგული კვლევების საწარმოებლად და ტრენინგის ჩატარება ქართველი სპეციალისტებისათვის. გარემოს ეროვნულ სააგენტოს საკუთარი ძალებით 2014 წლის ბოლო კვარტალში ასევე გათვალისწინებული აქვს დამატებით 10 ჭაბურღილზე ანალოგიური აღჭურვილობის მოწყობა. საქართველოში მონიტორინგი, მიწისქვეშა წყლის ხარისხის განსაზღვრაზე და რაოდენობის დადგენაზე, გასული საუკუნის 90-იანი წლების დასაწყისიდან პრაქტიკულად აღარ წარმოებს, თუ არ ჩავთვლით დიდი ქალაქების წყალმომარაგების ობიექტებზე მათ ხარისხობრივ მაჩვენებლებზე მუდმივ დაკვირვებას. შესაბამისად დღეისათვის უცნობია მისი რეჟიმი, ხარისხობრივი და რაოდენობრივი მდგომარეობა. |
იხილეთ დამატებითი ფტოები |
|
|
|
|
|
 |
|
 |
|
|
|
|
 |
ჰაერის ხარისხის მონიტორინგის ავტომატური სადგური თბილისში
05.07.2012
გარემოს დაცვის მინისტრმა და ნიდერლანდების ელჩმა საქართველოში თბილისში, ვაშლიჯვრის ტერიტორიაზე ჰაერის ხარისხის მონიტორინგის სადგური გახსნეს. ავტომატური სადგურის საშუალებით, რომელიც ვაშლიჯვრის კომპლექსური მეტეოროლოგიური სადგურის ტერიტორიაზე დამონტაჟდა, მოხდება დამაბინძურებელი ნივთიერებების მონიტორინგი: ნახშირჟანგი (CO); აზოტის ჟანგეულები (NOx, NO, NO2); გოგირდის ორჟანგი (SO2); მიწისპირა ოზონი (O3); და მტვრის ფრაქციები.
 ვრცლად |
|
|
|
|
|
|
|
|
|
 |
2012 წლის 12-13 მაისის ღამეს საქართველოს ზოგიერთ რეგიონში განვითარებული წყალმნოვარდნის მოკლე მიმოხილვა
14.05.2012
ამა წლის 12-13 მაისის ღამეს აღმოსავლეთ საქართველოს აღმოსავლეთ რაიონებში 3-4 საათის განმავლობაში აღინიშნა ინტენსიური ნალექები (თავსხმა წვიმები და სეტყვა), რომელთა რაოდენობამაც 2-3 სთ-ის განმავლობაში სხვადასხვა ადგილზე შეადგინა 30-დან 100 მმ-მდე. აღნიშნულმა გამოიწვია პატარა მდინარეებზე და მშრალ ხევებზე მნიშვნელოვანი წყალმოვარდნები, ღვარცოფები, მეწყერების გააქტიურება, ქუჩებში ნიაღვრები. დაზარალდა დუშეთის, გურჯაანის, ლაგოდეხის რაიონების ტერიტორიებზე განლაგებული ინფრასტრუქტურის ობიექტები, სასოფლო-სამეურნეო სავარგულები, დაიტბორა საცხოვრებელი სახლები, განსაკუთრებით დაზარალდა ქ. თბილისის ზოგიერთი რ-ნი.
ვრცლად |
|
|
|
|
|
|
 |
|
|
|
|
