სსიპ გარემოს ეროვნული სააგენტო meteo.gov.geსსიპ გარემოს ეროვნული სააგენტო

                                                                                                          თებერვლის  მოკლე კლიმატური დახასიათება საქართველოს  ტერიტორიაზე

მრავალწლიური მონაცემებით, იანვართან შედარებით თვის საშუალო ტემპერატურა თებერვალში მხოლოდ 0.5-1°-ით მაღალია. მისი მნიშვნელობა სანაპირო ზოლსა და კოლხეთის დაბლობზე +5, +8°-ია. ადგილის სიმაღლის ზრდასთან ერთად ჰაერის თვის საშუალო ტემპერატურა დასავლეთ საქართველოს მთაში 0, +4°, მაღალმთიან ზონაში -2, -6°-მდე კლებულობს. 

 თებერვლის საშუალო ტემპერატურა ქვემო ქართლსა და კახეთში  +2, +5°, ქართლში +1, +3°, აღმოსავლეთ საქართველოს მთაში -1,+2° მაღალმთიან ზონაში  -5, -2°-ია.

ჰაერის აბსოლუტური მაქსიმალური ტემპერატურა შავი ზღვის სანაპირო ზოლსა და კოლხეთის დაბლობზე +24, +28° აღწევს. ქვემო ქართლსა და  კახეთში მისი მნიშვნელობა 19, +24, ქვეყნის მთიან რაიონებში +16,+23, მაღალმთიან რაიონებში კი +12,+16°-ია.

ჰაერის აბსოლუტური მინიმალური ტემპერატურა სანაპირო ზოლში -6, -11°, კოლხეთის დაბლობზე -10,-12, ქართლსა და  კახეთში -14, -20, ქვეყნის მთიან რაიონებში -17, -22, აღმოსავლეთ საქართველოში ზოგან -21, -26, დასავლეთ საქართველოს მაღალმთაში-18, -24, აღმოსავლეთ საქართველოს მაღალმთიან ზონაში  -29, -33 გრადუსამდე იკლებს.

თვის განმავლობაში სანაპირო ზოლში საშუალოდ ყინვიანია 3-6, კოლხეთის დაბლობზე 5-8, დასავლეთ საქართველოს მთიან  რაიონებში 10-18, დასავლეთ საქართველოს მაღალმთაში 20-25, ქართლსა და კახეთში 12-20, აღმოსავლეთ საქართველოს მთასა და მაღალმთაში 23-27 დღე.

დასავლეთ საქართველოში თებერვალში საშუალოდ 9-14, აღმოსავლეთ საქართველოში 4-10 დღეა ნალექიანი.  

შავი ზღვის სანაპირო რაიონებში 122-176 მმ, კოლხეთის დაბლობზე, დასავლეთ საქართველოს მთიან და მაღალმთიან რაიონები 84-119 მმ, ქართლის ვაკეზე - 18-41 მმ, კახეთში - 28-32 მმ, მთიან და მაღალმთიან რაიონები 25-43 მმ ნალექი მოდის.   

 ნალექების დღეღამური მაქსიმუმი დასავლეთ საქართველოს ტერიტორიის უმეტეს ნაწილზე 40-90 მმ და  აღმოსავლეთ საქართველოში 20-70 მმ-ს შეადგენს.

ცალკეულ წლებში ნალექების რაოდენობა შეიძლება მკვეთრად განსხვავდებოდეს საშუალო მრავალწლიური მნიშვნელობისაგან. ასე მაგალითად, აჭარის სანაპირო ზოლში იგი შეიძლება აღწევდეს 350-500 მმ-ს წვიმიან და      10-40 მმ-ს გვალვიან წლებში, ქართლის ვაკეზე შესაბამისად 50-150 მმ-ს წვიმიან და 0-10 მმ-ს გვალვიან წლებში.

დასავლეთ საქართველო

შავი ზღვის სანაპირო რაიონები:   ჰაერის თვის საშუალო ტემპერატურა მოსალოდნელია  +8, +9⁰C , რაც 1-2⁰-ით მაღალია  საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით  -2,           -5⁰ -მდე, თვის ცალკეულ დღეებში ტემპერატურის მომატება დღისით   +21, +24⁰ - მდე.

  ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს.                   

კოლხეთის დაბლობი: ჰაერის თვის საშუალო ტემპერატურა მოსალოდნელია  +7, +8⁰C , რაც 1-2⁰-ით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით   -3,       -6⁰ -მდე, თვის ცალკეულ დღეებში ტემპერატურის მომატება დღისით   +20, +23⁰ - მდე.

 ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს. 

მთიანი და მაღალმთიანი რაიონები:  ჰაერის თვის საშუალო ტემპერატურა მოსალოდნელია  +4, +5⁰C (მაღალმთიან რაიონებში  -1, +2⁰ )  რაც 1-2⁰-ით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -10, -13⁰ -მდე (მაღალმთიან რაიონებში  -14, -17⁰ -მდე), თვის ცალკეულ დღეებში ტემპერატურის მომატება დღისით   +15, +18⁰ - მდე (მაღალმთიან რაიონებში  +12, +15⁰ -მდე).

 ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს.

აღმოსავლეთ საქართველო

ქართლის ვაკე:  ჰაერის თვის საშუალო ტემპერატურა მოსალოდნელია  +4, +6⁰C , რაც 1-2⁰-ით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ქვემო ქართლში ღამით -2, -5⁰, შიდა ქართლში -7, -10⁰ -მდე, თვის ცალკეულ დღეებში ტემპერატურის მომატება დღისით   +15, +18⁰ - მდე.

ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს. 

გარე და შიდა კახეთი:  ჰაერის თვის საშუალო ტემპერატურა მოსალოდნელია  +3, +6⁰C, რაც 1-2⁰-ით  მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -3,  -6⁰ -მდე, თვის ცალკეულ დღეებში ტემპერატურის მომატება დღისით   +15, +18⁰ - მდე.

 ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს. 

მთიანი და მაღალმთიანი რაიონები:  ჰაერის თვის საშუალო ტემპერატურა მოსალოდნელია  0, +3⁰C (მაღალმთიან რაიონებში  -3, 0⁰ )  რაც 1-2⁰-ით   მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -14, -17⁰ -მდე (მაღალმთიან რაიონებში  -16, -19⁰ -მდე), თვის ცალკეულ დღეებში ტემპერატურის მომატება დღისით   +12, +15⁰ - მდე (მაღალმთიან რაიონებში  +9, +12⁰ -მდე).

ნალექების რაოდენობა მოსალოდნელია საშუალო მრავალწლიურ მნიშვნელობასთან ახლოს.