2023 წლის მარტის თვის პროგნოზი
მარტის თვის მოკლე კლიმატური დახასიათება
საქართველოს ტერიტორიაზე
მარტში ჰაერის თვის საშუალო ტემპერატურა თებერვალთან შედარებით საშუალოდ 2-5°-ით მაღალია. მისი მნიშვნელობა შავი ზღვის სანაპირო ზოლსა და კოლხეთის დაბლობზე +8, +9°, აღმოსავლეთ საქართველოს ბარში +4, +7°, ქვეყნის მთიან რაიონებში ზღვის დონიდან 1400 მეტრ სიმაღლემდე 0, +4° და მაღალმთიან ზონაში -5, 0°-ს შეადგენს.
ტემპერატურის მრავალწლიური რეჟიმიდან გამომდინარე, ნორმიდან გადახრები ორივე მიმართულებით ერთნაირად ალბათურია და თვის საშუალო ტემპერატურა, უმეტესად, საშუალო მრავალწლიური მნიშვნელობის 2-3-ის ფარგლებში მერყეობს. ჰაერის საშუალო მაქსიმალური ტემპერატურა კოლხეთის დაბლობსა და სანაპირო ზოლში +12, +14 და აღმოსავლეთ საქართველოს ბარში +9,+13°–ის ფარგლებშია. დასავლეთ საქართველოს მთიან ზოლში მისი მნიშვნელობა +8, +13° და აღმოსავლეთ საქართველოს მთაში +8, +11°-ია, მაღალმთაში კი 0, +4°-მდე იკლებს.
მარტში ტემპერატურის აბსოლუტური მაქსიმუმი დასავლეთ საქართველოს დაბლობში +28, +33°, ქართლსა და კახეთში +24, +28°-ს აღწევს. საქართველოს მთიან რეგიონებში მისი მნიშვნელობა თებერვალთან შედარებით 3-5°-ით მაღალია და +23, +28°-ს შეადგენს, ხოლო მაღალმთაში +10, +19°-ის ფარგლებში იცვლება.
ჰაერის საშუალო მინიმალური ტემპერატურა შავი ზღვის სანაპირო ზოლსა და კოლხეთის დაბლობზე +3, +6, ქართლ-კახეთში და მთისწინეთში -2, +3, ქვეყნის მთიან რაიონებში ზღვის დონიდან 1400 მეტრ სიმაღლემდე -6, -2, მაღალმთიან ზონაში -9, -6◦-ის ფარგლებში მერყეობს.
ჰაერის აბსოლუტური მინიმალური ტემპერატურა დასავლეთ საქართველოს დაბლობში -13, -7°-ის ფარგლებში იცვლება. ქართლ-კახეთში -21, -13°-ს შეადგენს. საქართველოს მთიან რაიონებში აბსოლუტური მინიმუმი -21, -16°-ს შეადგენს. მაღალ მთაში ყინვამ შეიძლება -31, -25°-ს მიაღწიოს. განსაკუთრებით დაბალი ტემპერატურით გამოირჩევა სამხრეთ საქართველოს მთიანეთში.
თებერვალთან შედარებით მარტში ნალექების რაოდენობა აღმოსავლეთ საქართველოს თითქმის მთელ ტერიტორიაზე იმატებს, ხოლო დასავლეთში - იკლებს. ყველაზე მეტი ნალექიანობით კვლავ აჭარის სანაპირო ზოლი (140-200მმ), გამოირჩევა. გურია-აჭარის მთებში მისი მნიშვნელობა 90-120მმ-მდე მცირდება. შედარებით ნაკლებ ნალექიანია აფხაზეთის სანაპირო ზოლი (120-140მმ), თუმცა სამეგრელო-აფხაზეთის მთებში ნალექიანობა 140-200მმ-მდე იზრდება. კოლხეთის დაბლობზე ნალექების თვის რაოდენობა 100-150მმ-ის ფარგლებში იცვლება, ზემო იმერეთში, სვანეთსა და რაჭა-ლეჩხუმში თვეში 60-100მმ ნალექი მოდის. საქართველოს დანარჩენი ტერიტორია გაცილებით მცირენალექიანია და თებერვალში მოსული ნალექების თვის ჯამი საშუალოდ 20-60მმ-ს შეადგენს. აღმოსავლეთში, როგორც ყოველთვის, ყველაზე ნალექიანია აღმოსავლეთ კავკასიონის სამხრეთ ფერდობი (70-80მმ).
თებერვალთან შედარებით ნალექიან დღეთა რიცხვი საქართველოს თითქმის მთელ ტერიტორიაზე მარტის განმავლობაში 1-2 დღით იმატებს. ნალექების რეჟიმის შესაბამისად, ნალექიან დღეთა რაოდენობა მაქსიმალურია დასავლეთ საქართველოს სანაპირო ზოლში, დაბლობსა და მიმდებარე მთიან რაიონებში (13-17), ტერიტორიის დანარჩენ მთიან და მაღალმთიან რაიონებში თვის განმავლობაში 10-15 და ქართლ-კახეთში კი 9-13 დღეს შეადგენს.
მარტში მოსული ნალექების მაქსიმალური დღეღამური რაოდენობა საშუალოდ 30-60მმ-ს შეადგენს. ყველაზე უხვნალექიანი დღეები (70-130მმ) აღნიშნულია აჭარისა და აფხაზეთის სანაპირო ზოლსა და მიმდებარე მთისწინეთში, აგრეთვე, კოლხეთის დაბლობზე, სამეგრელოს, სვანეთისა და რაჭა-ლეჩხუმის მთიან რაიონებში, ხოლო მტკვრის ხეობის გასწვრივ, სამხრეთ საქართველოს მთიანეთის თითქმის მთელ ტერიტორიაზე და შირაქის ველზე ნალექების დღეღამური მაქსიმუმი შედარებით დაბალია და 20-30მმ-ს შადგენს.
ცალკეულ წლებში ნალექების რაოდენობა შეიძლება მკვეთრად განსხვავდებოდეს საშუალო მრავალწლიური რაოდენობისაგან. ასე მაგალითად, აჭარის სანაპირო ზოლში იგი შეიძლება აღწევდეს 300-340მმ-ს წვიმიან და 60-70მმ-ს გვალვიან წლებში, ქართლსა და კახეთში 150-170 მმ-ს წვიმიან და 0-10მმ-ს გვალვიან წლებში.
დასავლეთ საქართველო
შავი ზღვის სანაპირო რაიონები: ჰაერის თვის საშუალო ტემპერატურა მოსალოდნელია +10, +12°, რაც 1-2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -1, -3°-მდე, თვის ცალკეულ დღეებში ტემპერატურის მომატება დღისით +25, +28° - მდე.
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.
კოლხეთის დაბლობი: ჰაერის თვის საშუალო ტემპერატურა მოსალოდნელია +10, +12°, რაც 1-2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -1, -4° -მდე, თვის ცალკეულ დღეებში ტემპერატურის მომატება დღისით +25, +28°- მდე.
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.
მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია +8, +9° (მაღალმთიან რაიონებში +1, +3° ) რაც 1-2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -4, -6°-მდე (მაღალმთიან რაიონებში -8, -11°-მდე), თვის ცალკეულ დღეებში ტემპერატურის მომატება დღისით +23, +26°- მდე, (მაღალმთიან რაიონებში +15, +18°-მდე).
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.
აღმოსავლეთ საქართველო
ქართლის ვაკე: ჰაერის თვის საშუალო ტემპერატურა მოსალოდნელია +7, +9°, რაც 2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება შიდა ქართლში ღამით -4, -7° -მდე, ქვემო ქართლში -2, -5°-მდე, თვის ცალკეულ დღეებში ტემპერატურის მომატება დღისით +24, +28°- მდე.
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.
გარე და შიდა კახეთი: ჰაერის თვის საშუალო ტემპერატურა მოსალოდნელია +7, +9°, რაც 2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -3, -6°-მდე, თვის ცალკეულ დღეებში ტემპერატურის მომატება დღისით +24, +27°- მდე.
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.
მთიანი და მაღალმთიანი რაიონები: ჰაერის თვის საშუალო ტემპერატურა მოსალოდნელია +5, +7° (მაღალმთიან რაიონებში +1, +3°) რაც 2 გრადუსით მაღალია საშუალო მრავალწლიურ მნიშვნელობაზე. თვის ცალკეულ პერიოდში შესაძლებელია ტემპერატურის დაკლება ღამით -7, -10°-მდე (მაღალმთიან რაიონებში -12, -15°-მდე), თვის ცალკეულ დღეებში ტემპერატურის მომატება დღისით +21, +24°- მდე (მაღალმთიან რაიონებში +15, +18°-მდე).
ნალექების რაოდენობა მოსალოდნელია საშუალო მრავალწლიურ მნიშვნელობაზე მეტი.