2024 წლის ზაფხულის სეზონის პროგნოზი
საქართველოში 2024 წლის ზაფხულის სეზონის კლიმატური პროგნოზი
საქართველოს ტერიტორიისთვის 2024 წლის ზაფხულის სეზონის კლიმატური პროგნოზი მომზადებულია სამხრეთ-აღმოსავლეთ ევროპის რეგიონის ქვეყნების კლიმატური პროგნოზის ფორუმზე (SEECOF-31), რომელიც ეფუძნება დინამიური და სტატისტიკური მოდელირების შედეგებს და ოკეანესა და ატმოსფეროში მიმდინარე პროცესების ურთიერთკავშირებს.
პროგნოზის მიხედვით, საქართველოს მთელ ტერიტორიაზე, ზაფხულის სეზონზე ჰაერის საშუალო ტემპერატურა კლიმატურ ნორმაზე 1-2˚ მაღალი, ხოლო ატმოსფერული ნალექები ნორმის ფარგლებშია მოსალოდნელი*.
სეზონის ცალკეულ დღეებში შეიძლება ჰაერის ტემპერატურის კლიმატური ნორმიდან მნიშვნელოვანი გადახრები აღინიშნოს. კერძოდ, შესაძლებელია ქვეყნის დაბლობსა და ბარში ჰაერის ტემპერატურამ +39, +42, მთიან რაიონებში +37, +40, ხოლო მაღალმთიან რაიონებში +32, +35 გრადუსს მიაღწიოს. შესაძლებელია აგრეთვე, სეზონის ცალკეულ პერიოდებში, ზაფხულისთვის დამახასიათებელი ექსტრემალური ამინდი - თბურ ტალღები, გვალვა ან ძლიერი ნალექები აღინიშნოს.
* საქართველოს ტერიტორიაზე ზაფხულის სეზონის ჰაერის მრავალწლიური საშუალო ტემპერატურა (კლიმატური ნორმა) დასავლეთ საქართველოს დაბლობზე +21, +23, მთაში +19, +21, მაღალ მთაში +15, +17, აღმოსავლეთ საქართველოს ბარში +21, +23, მთაში +17, +19, მაღალ მთაში +14, +16 გრადუსს შეადგენს.
ზაფხულის სეზონის ნალექების ნორმა დასავლეთ საქართველოს დაბლობზე 250-600 მმ, მთასა და მაღალ მთაში 200-300 მმ, აღმოსავლეთ საქართველოს ბარში 120-180 მმ, მთასა და მაღალ მთაში 120-200 მმ-ის ფარგლებშია.
ნახ.1. ზაფხულის სეზონის ჰაერის ტემპერატურის საშუალო მრავალწლიური ნახ.2. ზაფხულის სეზონის ატმოსფერული ნალექების საშუალო მრავალწლიური
მნიშვნელობები (კლიმატური ნორმა) საქართველოს ტერიტორიისთვის. მნიშვნელობები (კლიმატური ნორმა) საქართველოს ტერიტორიისთვის.
