გეოლოგიური საინფორმაციო ანგარიშის პრეზენტაცია 07.04.2014
დღეს გარემოსა და ბუნებრივი რესურსების დაცვის სამინისტროში, გეოლოგიის საერთაშორისო დღესთან დაკავშირებით გეოლოგიური საინფორმაციო ანგარიშის და გარემოს ეროვნული სააგენტოს ვებგვერდის resource.meteo.gov.ge პრეზენტაცია გაიმართა. პრეზენტაციას გარემოსა და ბუნებრივი რესურსების დაცვის მინისტრი ხათუნა გოგალაძე, გარემოს ეროვნული სააგენტოს გეოლოგიის დეპარტამენტის უფროსი ემილ წერეთელი, რეგიონული განვითარებისა და ინფრასტრუქტურის სამინისტროს, არასამთავრობო ორგანიზაციების წარმომადგენლები და თბილისის ივანე ჯავახიშვილის სახელობის უნივერსიტეტის ზუსტ და საბუნებისმეტყველო ფაკულტეტის სტუდენტები დაესწრნენ.
2013 წლის გეოლოგიური პროცესების განვითარების შედეგისა და 2014 წლის მოსალოდნელი პროცესების პროგნოზის ანგარიშის მიზანი, გეოლოგიური რისკების შესახებ შესაბამისი სახელმწიფო სტრუქტურებისა და საზოგადოების ინფორმირებაა, რათა თავიდან იქნეს აცილებული საცხოვრებელ ზონებსა და ინფრასტრუქტურულ ობიექტებზე მეწყერსაშიშროება და სხვა სტიქიური მოვლენები, ასევე დროულად განხორციელდეს პრევენციული ღონისძიებები.
საზოგადოებისთვის და გეოლოგიური პროცესების განვითარების კუთხით დაინტერესებული პირებისათვის, გარემოს ეროვნული სააგენტოს ვებგვერდზე www.meteo.gov.ge-ზე შეიქმნა resource.meteo.gov.ge-ი სადაც განთავსებულია, რუკები ყველა სახის გეოლოგიური პროცესითა და სტიქიის გააქტიურების სარისკო უბნებით. resource.meteo.gov.ge-ი საშუალებას იძლევა ქვეყნის მინერალური რესურსების შესახებ ამომწურავი ინფორმაცია ონლაინრეჟიმში უპრობლემოდ მიიღოს.
22 მარტს მსოფლიო წყლის რესურსების დაცვის საერთაშორისო დღეს აღნიშნავს. 2014 წლის თემაა „წყალი და ენერგია"". საქართველოს გარემოსა და ბუნებრივი რესურსების დაცვის სამინისტროს გარემოს ეროვნული სააგენტო ახორციელებს საქართველოს ზედაპირული წყლების დაბინძურების მონიტორინგს. წყალზე მონიტორინგის მიზანია შეიქმნას ინფორმაცია გარემოს დაბინძურების შესახებ.
ქუთაისში მეტეოროლოგიის მსოფლიო დღესთან დაკავშირებით ახალი ავტომატურ რეჟიმში მომუშავე მეტეოროლოგიური სადგური გაიხსნა, რომელიც ადაპტაციის ფონდის დაფინანსებით და INDP (გაეროს განვითარების პროგრამა) მხარდაჭერით განხორციელდა. სადგურის გახსნას საქართველოს გარემოსა და ბუნებრივი რესურსების დაცვის მინისტრის მოადგილე ირაკლი ნოზაძე, გარემოს ეროვნული სააგენტოს უფროსის მოადგილე ნიკოლოზ ალხაზაშვილი და ქუთაისის სადგურის უფროსი ავთანდილ ქვაჩაკიძე დაესწრნენ
გარემოსდაცვითი საქმიანობის ეფექტურობის გასაუმჯობესებლად საქართველოს გაეროს ევროპის ეკონომიკური კომისიის ექსპერტებმა საქართველოს გარემოსა და ბუნებრივი რესურსების დაცვის მინისტრ ხათუნა გოგალაძესთან სამუშაო შეხვედრა გამართეს.